視帝前妻疑食物中毒又吐又拉無人照顧 曾自曝瀕死經驗
現年45歲的歐倩怡（Cindy）去年5月突然宣布與郭晉安離婚，結束18年婚姻。歐倩怡其後曾公開呻窮，承認因為要交租而「等錢使」，她亦積極復出幕前，為HOYTV節目《健康關注組》擔任嘉賓主持。日前歐倩怡在IG限時動態分享病況，指自己整晚又拉又吐，疑似食物中毒。歐倩怡先是上載了一張躺在床上緊閉雙眼的病樣，見她面色不佳，表情痛苦，她寫道：「成晚又拉又吐，不知是不是食物問題，大家都要小心啊～～～」之後她再更新病況表示：「今朝問了同我一起去食米線的朋友，都有拉跟吐，可能食物不乾淨，不舒服啊～～～」休息了約半日後，她再曬出一碗白粥表示：「自己煮白粥吃。」似乎暗示無人照顧，要靠自己。之後歐倩怡再報平安表示：「多謝大家關心同問候，我好好多了，無嘔，仲有少少拉，一點發燒。多謝『健康關注組』監製體諒，明天我出席不到活動了，唯有下次見大家啦。」歐倩怡去年6月接受網台節目《絲打圍爐》訪問時，曾暗示郭晉安對她缺乏關心，她憶述自己因患重感冒持續發燒，三度求醫，有一晚在睡夢中突然感到呼吸困難：「跟住拍我隔籬嗰個，我話我唞唔到氣，幾乎講唔到嘢，跟住佢話『咪玩啦，瞓覺』。當時每一秒都覺得好漫長，佢後來見到我唔對路，上網睇資料睇睇係咪call白車，後來搵到叫我用片糖沖熱水畀我飲，佢已經驚我嘔，喺床上拎住個痰罐，仲要我飲（片糖水），我飲咗少少，但我想話畀你聽，我嗰刻已經去到失禁，控制唔到，周圍都係，我覺得自己應該唔得㗎喇。」她指當時頭塞在痰罐昏迷，翌日醒來頭還卡在痰罐，慶幸自己仍尚有呼吸，於是便去醫院就醫。
2025/02/23｜娛樂
